Alltaf helgi

Það er alveg ótrúlegt en það er bara alltaf föstudagur. Ég veit ekki hvort það er blíðviðrið og spennningurinn fyrir sumrinu sem veldur því að tíminn flýgur áfram. Á veturnar þá er maður stundum að upplifa alltaf mánudaga !  

Hvað um það, þessi helgi er þétt bókuð hjá mér. Í kvöld er ég veislustjóri í fertugsafmæli í Garðinum. Það er diskóþema og Páll Óskar mun halda uppi stuðinu. Ég er búinn að eyða vikunni í að velta fyrir mér í hverju ég á að vera. Ég á ekkert diskó-dæmi og er búinn að láta þetta þema fara í taugarnar á mér. En skemmtileg fluga skaut upp kollinum hjá mér og ég hafði samband við Sibba Prestley vin minn. Hann stundaði Elvis Prestley eftirhermu –vesen í nokkur ár. Það var minnsta málið hjá honum að lána mér forlátan Elvis jakka, gylltur að lit með silfur palettum og gyllt bindi. Vona bara að ég eigi ekki eftir að skyggja á meistarann (Páll Óskar).  

Á morgun tekur alvaran við, verð að vinna, Nesvellir opna formlega, listsýningar opna í Garðinum í tilefni 100 ára afmælisins og þeim þarf að gera skil. Á sunnudaginn er svo sjálft afmælið með hátíðarbæjarstjórnarfundi, afhjúpun listaverka og hátíðardagskrá þar sem sjálfur forsetinn mætir.

Athugasemdir

[Elenora Katrín Árnadóttir, 13.6.2008 kl. 13:27]

Velkominn litli bróðir.  Þetta blogg á miklu betur við þig. Meira segja bláar paprikur (blátt, blátt).

[Elenora Katrín Árnadóttir, 13.6.2008 kl. 13:28]

P.s. blöðin eru tilbúin, heima hjá mér.

[Elísabet Sigurðardóttir, 13.6.2008 kl. 14:15]

Velkominn á moggabloggið Addi minn, það er gegt stuð hérna  hnahnahna  Gangi þér vel inní annríku helgina og skilaðu kærri kveðju til afmælisbarnsins.

[Emil Páll (IP-tala skráð) 13.6.2008 kl. 23:13]

Til hamingju með nýju síðuna. Það er þá munur maður mun framvegis sjá það á mbl.is ef þú skrifar eitthvað nýtt.

[Anna þóra (IP-tala skráð) 14.6.2008 kl. 11:47]

TIl hamingju með flutningin elskan:) Líst vel á þetta!