Borguðum við brúsann ?

Martha Stewart fjölmiðlakona frá Bandaríkjunum fékk heldur betur góðar móttökur hjá forsetahjónunum íslensku við komu sína til landsins sl. föstudag. Martha og Dorrit eru vinkonur til margra ára. Martha hlýtur að hafa verið hálf þreytt eftir dagana á Íslandi því dagskráin var þétt og minnti einna helst á dagskrá fyrir þjóðhöfðingja sem hingað koma í opinberar heimsóknir.  

Ég velti fyrir mér hvort íslenskir skattgreiðendur hafi borgað brúsann ? Martha og fylgdarlið hennar gisti alla vega á okkar kostnað, en þau dvöldu í forsetabústaðnum á Laufásvegi. Þá voru forsetahjónin á ferðalagi með henni, snæddu bleikju á Þingvöllum, ætli Ólafur hafi tekið upp debet kortið sitt og borgað fyrir sig og frúnna? Þá var hátíðarkvöldverður á Bessastöðum þar sem helstu fyrirmenn þjóðarinnar fengu að snæða með Mörthu.  

Auðvitað er frábært að forsetahjónin taki vel á móti vinum sínum, en eru þau alltaf í hlutverki forsetans og forsetafrúnnar? Nú veit maður það ekki. Forsetaskrifstofan veitti DV ekki upplýsingar um hver aðkoma embættisins var að heimsókn Mörthu, heldur nýta allan þann tíma sem skrifstofan hefur til að draga það að svara. Ég les úr því að sótsvartur almúginn hafi greitt brúsann. Hvar er línan á milli þess að vera í embættisverkum og bara fá vini sína í heimsókn ? Ég er hræddur um að forsetahjónin séu að slá um sig á kostnað þjóðarinnar.

Athugasemdir

[Guðrún Þóra Hjaltadóttir, 24.7.2008 kl. 13:25]

Ég gæti alveg trúað því að við höfum fengið að borga fyrir hana Mörtu vinkonu.

Hissa yrði ég ef að betur er haldið á fjármálum hjá forsetaembættinu en annarsstaðar hjá hinu opinbera.

[Margrét M, 24.7.2008 kl. 14:43]

er þetta eitthvað sem þarf að velta fyrir .. við höfum örugglega borgað fyrir þetta eind og annað  

[Helga Björg, 24.7.2008 kl. 19:35]

oh ég væri til í að komastí svona party ;)