Árni Árnason

3.7.2008 | 18:16

Hálfgert hundalíf

Mig langar að deila með ykkur sögu, sögu sem er sönn. Það gerðist í þessari viku að einn fjölskylduhundur hér í bæ átti afmæli. Dóttirinn á heimilinu var friðlaus að gefa tíkinni afmælisgjöf í tilefni dagsins. Hún náði að draga pabba sinn út í Samkaup þar sem sú stutta hafði áður rekið augun í hundól sem henni langaði að gefa tíkinni.

Pabbinn fór með dótturina en ólin var uppseld. Sú litla dó ekki ráðalaus og fann hundalakkrís í staðinn, sem pabbinn keypti. Þegar heim var komið spýtti afmælistíkin lakkrísnum út úr sér og vildi ekki éta hann. Lakkrís pokinn lág á borðinu þegar húsmóðurinn og sonur komu heim síðar um daginn. Pabbinn sat í stofunni og mamman og sonurinn komu og settust í sófan fóru að spjalla. Nema hvað þau voru með lakkrís ! Pabbinn var í vandræðum með að springa ekki úr hlátri og ákvað að segja ekkert. Þeim fannst lakkrísin ágætur og eftir nokkra bita af lakkrísnum gat pabbinn ekki setið á sér lengur og sprakk úr hlátri og sagði þeim að þau væru að borða hundalakkrís – lakkrísinn spýttist út úr þeim með látum.

Ég vona að kreppan herði ekki svo að hjá mannskepnunni að við endum á því að snæða ódýrt gæludýrafóður hehehehe

Flokkur: Spaugilegt | Facebook

Athugasemdir

Hahahaha, Ekki er þetta einn sem ég þekki?? ;) Er með ákveðinn aðila í huga.. hehe

Fowler (IP-tala skráð) 6.7.2008 kl. 17:50

Einhvern veginn hef ég ekki trú á því að það sé mikill munur á hundamat og öðrum mat. Þetta er allt sama sullið. Spurning hvort er ódýrara, það er kannski hægt að spara nokkrar krónur í kreppunni með því að kaupa sér hundar/kattarmat.