Frábært áramótaskaup :)

Ég hef sjaldan skemmt mér eins yfir áramótaskaupinu og ég gerði í gærkvöldi. Ádeilan var beinskeytt og hitti beint í mark hjá mér. Ég er ánægður með að höfundar skaupsins voru á sömu blaðsíðu og ég hvað varðar forseta þjóðarinnar.

Það hefur orðið undir í umræðunni varðandi útrásina og sukkið sem átti sér stað, að Ólafur Ragnar Grímsson var virkur þátttakandi í öllu saman. Samt sem áður hefur hann ekki sýnt neina iðrun og frekar tekið á málunum með þeim hætti, að þetta hafi allt saman komið honum í opna skjöldu.

Undirstaðan í áramótaskaupinu var partý á Bessastöðum sem var farið böndunum, það má eigilega segja að að áramótaskaupið í ár hafi frekar verið heimildarmynd. Ég gef áramótaskaupinu fullt hús stiga, það slóg í gegn hjá mér.

Gleðilegt ár kæru vinir og megi nýtt ár færa okkur gleði og farsæld.

Athugasemdir

[Njörður Helgason, 2.1.2010 kl. 00:59]

Þetta var virkilega vel heppnað skaup. Já eitt það besta. Skaupið þegar Gísli Rúnar lék Árna Jhonssen var gott. þetta fer vel í minningunni. Sá það aftur áðan. Gott.