Helgi Seljan misnotar feðraorlofið

Ég verð að viðurkenna að ég er ekki með það á hreinu, en tel svo vera að þegar maður er í feðraorlofi og þiggur 80% af tekjum sínum til að vera heima með barni sínu, eigi maður ekki að vera í annari vinnu á meðan.  

DV greinir frá því í dag að Helgi Seljan Kastljósmaður hafi skellt sér einn túr á Aðalsteini Jónssyni SU og á einni viku náði sjónvarpsstjarnan 700 þúsund krónum í tekjur á sama tíma og hann er að þiggja 80% launa sinna hjá RVÚ. Ef þetta er ekki að misnota kerfið þá veit ég ekki hvað. Ég veit ekki til þess að feðraorlof hafi verið komið á til að nýbakaðir pabbar geti þegið laun fyrir að vera í fríi, en hlaupið til annarra starfa á meðan.

Ég fagnaði þessu fyrirkomulagi að nú gætu pabbar tekið virkan þátt í þeirri stórkostlegu upplifun sem það er að eignast barn, það er með ólíkingum að fólki tekst oft að misnota velferðarkerfið, það fer virkilega í taugarnar á mér.  Ég vil að hart sé tekið á þeim sem misnota þetta kerfi, ef menn hafa ekki áhuga að vera heima við og njóta þess að vera heima með fjölskyldunni sinni þá á viðkomandi bara að vera í vinnunni sinni.

Eitt veit ég bara að ég á ekki eftir að horfa hugfanginn á Helga Seljan rakka niður fólk í sjónvarpsviðtölum framvegis, hann hefur margt á samviskunni og er ekki rétti maðurinn héðan í frá til að taka fólk af lífi í beinni útsendingu eins og hann hefur stundað hingað til. Menn sem gerast brotlegir á feðraorlofi á að svipta réttinum og endurgreiða orlofslaunin á allrar tafar.

Athugasemdir

[Ásgerður Jóna Flosadóttir, 22.7.2008 kl. 21:32]

Sæll og blessaður, hér er ég þér hjartanlega sammála. Þetta er vont mál.

[Elísabet Sigurðardóttir, 22.7.2008 kl. 22:03]

Alls ekki nógu gott mál.  Segi það sama, það passar ekki lengur fyrir hann að hakka í sig fólk fyrir misgjörðir sínar, eins og hann var nú oft góður í því.

Vonandi er önnur hlið á málinu sem réttlætir þetta mál.

[Guðrún Þóra Hjaltadóttir, 22.7.2008 kl. 22:47]

Þetta er ekki hægt. Ég er alveg sammála þér með Helga, ég mun horfa á hann öðru ljósi eftir þetta. Hann hefur verið góður í sínum fréttastörfum oftar en ekki.

Það er alls staðar skítur og eftir höfðinu dansa limirnir, ekki er nú ríkisstjórnin eða hið háttvirrta alþingi góð fyrirmynd.

[Anna Guðný , 23.7.2008 kl. 00:45]

Til að byrja með þá vitum við ekkert hvort hann sé að þiggja feðraorlofin á þessu tímabili. Og mér finnst meira að segja trúlegt að hann sé ekki að því. Þó ekki væri nema bara vegna þess að hann er það þekktur.

En annars hef ég alltaf verið á móti þessu feðraorlofi, eins og það er sett upp. Það þýðir að börnum er strax við fæðingu mismunað. Ef þú, sem barn, ert svo "heppin/nn" að eiga báða foreldra til taks á heimilinu þá færð þú lengri tíma heima heldur en þau börn sem eru svo "óheppin/nn" að eiga bara aðgang að öðru foreldri. Ég verð svo reið þegar ég hugsa um þetta feðraorlof og sé í kringum mig , eins og aðrir hvernig það er misnotað.

Hafðu það gott

[Árni Árnason, 23.7.2008 kl. 02:28]

ég á ekki von á því að nokkur maður fari í feðraorlof án þess að þiggja þær greiðslur sem eru í boði. Á sumum vinnustöðum er þrýst á karlmenn að nýta sér rétt sinn. Ég hef nú litið á feðraorlofið sem skref fram á við í jafnréttisbaráttunni, en það er víst svo að allir eiga rétt á þessu sama hvort viðkomandi er með barnsmóður sinni eða ekki, ég alla vega held það. En auðvitað er spurning um það að ef foreldrarnir eru ekki saman að móðirinn fái fleiri mánuði til að vera með barni sínu. Það styð ég heilshugar.

[Helga Björg, 23.7.2008 kl. 09:24]

borgar sig að vera með svona hluti samt á hreinu ef maður ætlar að skjóta fólk niður ;) en ég verð nú samt að segja þekki nokkra sem hafa farð í feðraorlof en engan sem hefur notað það svona sérstaklega til þess að vera með barninu flestir sem ég veit um hafa notað það til þess frekar að vinna svart ,það er nú bara held ég raunin fólk er a misnota þetta bigtime en gaman að lesa pistlana þína Árni kveðja frá Austría Helga Björg

[Elmar Már Einarsson (IP-tala skráð) 24.7.2008 kl. 13:38]

Hafið þið ágæta fólk kynnt ykkur reglurnar um feðraorlof??

Það er ekki hægt að vera í feðraorlofi og þiggja laun annars staðar á sama tíma.

Þeir sem eru í feðraorlofi eru ekki á launum hjá sínum vinnuveitanda heldur hjá vinnumálastofnunn.Greiðslur verða aldrey hærri en 80% af launum síðustu 12mánaða.

Reynum svo að hafa staðreyndir á hreinu

[Árni Árnason, 24.7.2008 kl. 17:33]

Blessaður Elmar, það er nú allt hægt ef viljinn er fyrir hendi !! Ég veit um nokkur tilfelli þar sem menn eru í annarri vinnu í feðraorlofinu ! Ég verð nú bara að segja við þig Elmar að þótt eitthvað standi í lögum þá er ekki þar með sagt að farið sé eftir því ! Ég tel þetta álíka gáfulegt og segja að engin keyrir yfir hámarkshraða af því að það er bannað ! Menn vinna þá bara svart í feðraorlofinu ! En vek athygli á því að ég er í þessu commenti ekki að saka Helga um að hafa gert það, alls ekki. En svo er það hin hliðin á málinu, það er að taka almennt þetta orlof en vera ekki heima hjá fjölskyldunni, afhverju ertu þá almennt að nýta þennan rétt fyrst að hann er ekki nýttur í það sem hann stendur fyrir.

[Elmar Már Einarsson (IP-tala skráð) 24.7.2008 kl. 18:39]

Vel getur verið að einhverjir séu að leika þennan leik þ.e að vinna svart meðan þeir eru í feðraorlofi.En Helgi Seljan hefur ekki leikið þann leik með því að fara þennan túr á Aðalsteini Jónssyni SU.

Það vill þannig til að ég er stýrimaður á frystitogara og það er útilokað að hægt sé að vera í feðraorlofi og vera á sama tíma á sjó og þiggja laun þaðan.

Með þetta hjá þér að vinna ''svart'' þá er það ekki heldur í boði til sjós.

Ég er sjálfur heima í feðraorlofi og veit því nokkuð vel hvað er hægt og hvað ekki.