Launanjósnir smáborgaranna

Þá er það árlega umræðan um launamál þjóðarinnar og hverjir eru hæstu skattgreiðendur ársins og svo framvegis. Smáborgarahátturinn í þjóðinni vellur út öðrum hverjum kjafti og sumir flykjast á næstu bæjarstjórnarskrifstofu til að njósna um laun nágrannans eða vinnufélaga sinna. Svo byrjar fólk á að smjatta um Jón í næsta húsi á nýjan jeppa og hjólhýsi og bla bla en er samt bara með þetta í laun á mánuði ! 

Á meðan að allir geta smjattað á launum hvors annars er verið að tala um launavernd, hvað er launavernd ef við getum svo einu sinni á ári skoðað laun allra? Margir vinnustaðir gera vel við þá sem standa sig vel, launin eru því mismunandi á milli skrifborða, ef þannig má orða það. Í flestum starfssamningum er ákvæði um trúnað um að greina ekki frá launum sínum meðal annarra starfsmanna. Hvernig gengur það upp ? Ef þig grunar að Jón sem vinnur við hlið þér sé með hærri laun þá getur þú auðveldlega komist að því.  

Tekjur einstaklinga er þeirra einkamál og að láta gögn með upplýsingum um launakjör liggja frammi er brot á persónuvernd einstaklinga. Eigum við kannski að láta sjúkraskýslur einstaklinga liggja frammi til skoðunnar einu sinni á ári ? Ég vona að þingheimur fari að taka á þessum málum. Okkur kemur ekkert við hvað næsti maður er með í laun, það er ekki okkar að velta fyrir okkur lífsgæðum annarra, við eigum frekar að samgleðjast þeim sem hafa það gott og vinna sjá að því að skapa slíkt umhverfi fyrir okkur sjálf, hver er sinnar gæfu smiður.

Athugasemdir

[Anna Helga Gylfadóttir (IP-tala skráð) 3.8.2008 kl. 08:53]

Nei sæll og blessaður , gat verið að þú hafir þefað mig uppi hérna haha..

Get nú ekki sagt að ég sé virk í þessum bloggheimi .

Já mikið er ég sammála þér með þessa launavernd, fáranlegt.

Allir með nefið oní einhverju sem þeim kemur ekkert við .

[Guðmundur Eyjólfur Jóelsson, 3.8.2008 kl. 08:59]

Það er alltaf sama upphlaupið hjá þessum vesalings sjöllum hvert ár þegar álagningaseðillinn kemur út ,en hvað hefur fólk að fela mér er sko nokk sama þó aðrir sjái hvað ég hef í laun eða hvað ég borga mikið til þjóðfélagsins og er bara sæmilega stoltur að því að geta þó borgað til samfélagsins,getur það verið að þeir sem rífist mest yfir þessu borgi ekki það sem þeim ber til þjóðfélagsins ?