Björn Bjarnason á villigötum

Ég verð að viðurkenna það að ég er virkilega ósáttur með flokksbróðir minn og dómsmálaráðherra Björn Bjarnason. Hann hefur ákveðið að auglýsa stöðu lögreglstjóra á Suðurnesjum.  

Jóhann Benediktsson lögreglustjóri á Suðurnesjum hefur staðið sig með prýði í störfum sínum. Hann hefur styrkt lögregluna á svæðinu og Suðurnesjamenn eru ánægðir með löggæsluna á svæðinu og þann árangur sem náðst hefur.  

Margir tala um að fíkniefnatilfellum fari fjölgandi á Suðurnesjum. Auðvitað getur verið einhver aukning, en fyrst og fremst tel ég að um sé að ræða markvissari rannsóknir og öflugri aðgerðir. Ég sannfærist ekki að rökum ráðherrans um að vegna breytinga á embættinu sé nauðsynlegt að auglýsa og hans persónulegu skoðun að oftar eigi að auglýsa stöður hjá ríkinu en nú er gert.  

Sveinn Andri lögfræðingur segir að ákvörðun ráðherrans sé ekkert annað en uppsögn, því er ég alveg sammála.  Ég tel það mikill kostur að Jóhann sé ekki Suðurnesjamaður og búi ekki hérna. Tengist engum hérna og er að taka verulega á málunum og er að skila góðum árangri og það er það sem við íbúarnir á svæðinu viljum.  

Ég vona að Björn Bjarnason sjái af sér í þessu máli og dragi hugmyndir sínar um að auglýsa starfið til baka, hann er á villigötum hvað þetta varðar.

Athugasemdir

[Elenora Katrín Árnadóttir, 21.9.2008 kl. 22:12]

Nú erum við að tala sama mál elsku hjartans karlinn minn.  Ef fólk er að vinna sína vinnu eins vel og Jóhann hefur verið að gera þá á að gefa því launahækkun en ekki að reka það.  Þetta er nú meiri endemis vitleysan hjá Birni, sumir gætu kallað þetta minnimáttarkennd í einu löngu orði, takk fyrir.

[Helgi Þór (IP-tala skráð) 22.9.2008 kl. 09:03]

Hvað er að gerast Árni Árnason! Við sammála um eitthvað í pólitík ??hehehehe

En mikið er ég sammála þér, þetta er náttúrulega fyrir neðan allar hjá Birni finnst mér. Það er hver ráðherran af fætur öðrum úr herbúðum ykkar sjálfstæðismanna að gera upp á bak þessa dagana. Fyrst Árni Matt, svo Þorgerður og nú Björn.....

Ég vil Árna Árnason sem ráðherra!

[Elenora Katrín Árnadóttir, 22.9.2008 kl. 21:50]

Sammála síðasta ræðumanni

[inga (IP-tala skráð) 23.9.2008 kl. 00:58]

mánudagurinn liðinn og ekkert heyrt frá þér Addi minn.... hahahaah.. takk fyrir síðast.. Býst nú alveg við því að þú gætir hakkað mig alveg í þig í rökræðum um pólitík... En gaman að hitta þig á lau:-) Það er mikið til í því sem Helgi Þór segir um blessaða sjálfstæðismennina... þeir eru bara að gera upp á bak hver á fætur öðrum.. kannski er það eitthvað sem þeir hafa borðað:-/ kveðja Inga Dís.

[Árni Árnason, 23.9.2008 kl. 02:35]

ég get nú bara engan veginn verið sammála því að Þorgerður Katrín sé búin að gera upp á bak ! það er bara djöfulsins vitleysa !!! Þorgerður er án efa hæfasti ráðherrann sem við eigum í dag og á eftir að ná miklu lengra. Hún er hörð hún er skörungur sem ég hef mikla trú á og ég hef ekki séð það að hún sé að gera upp á bak og ekki koma með þau rök Helgi að ég sé blár í gegn og sjái ekkert að Sjálfstæðisflokkum og máli mínu til stuðnings er þessi pistill að ofan.

[Helgi Þór (IP-tala skráð) 23.9.2008 kl. 08:55]

Þegar ég hef sagt að þú værir blár í gegn var það nú meira í gríni, enda þekki ég þó nokkra Sjálfstæðismenn sem sjá alls ekki neitt annað en blátt og myndu sennilega vera sammála Birni Bjarna í þessu máli.

En varðandi Þorgerði þá verð ég bara að vera ósammála. Mér fannst hún heldur betur gera upp á bak varðandi Olympíudæmið. Gott og vel, hún er æðsti maður íþróttamála í landinu og átti að sjálfsögðu að mæta á Olympíuleikana, spurning þarna með seinna skiptið þar sem hún hefði heldur betur getað fengið hrós hjá fólki hefði hún borgað það sjálf, en ég er svosem ekki að velta mér upp úr því, vitaskuld átti hún að vera viðstödd.

En á ekki æðsti maður íþróttamála í landinu að vera viðstaddur Olympíuleika fatlaðra? Ég hefði nú haldið það. Rökin hjá henni fyrir því afhverju hún fór ekki á þá eru vægast sagt hlægileg, afþví henni var ekki boðið. Það er ekki eins og henni hafi verið boðið tvisvar sinnum á hina Olympíuleikana, en samt fór hún þangað. Það er því greinilegt að æðsti maður íþróttamála í landinu hefur takmarkaðan áhuga á íþróttum fatlaðra (enda afsökunin eftir því), eða kannski bara takmarkaðan áhuga á öllu nema handbolta :)

Málið var að Íþróttasamband fatlaðra bauð Jóhönnu bara sérstaklega á Olympíuleika fatlaðra þar sem hún virðist vera eini ráðherran í ríkisstjórninni sem er að vinna eitthvað fyrir þeirra málaflokk. Þetta var svona ákveðið statement frá þeim að bjóða Jóhönnu, enda er málaflokkur fatlaðra vægast sagt langt á eftir öðrum þjóðum, þá sérstaklega á norðurlöndunum.

En ég geri mér fullkomlega grein fyrir því að ef Þorgerður hefði farið líka á Olympíuleika fatlaðra að þá hefði fullt af fólki röflað út í það líka. Það sem hún hefði átt að gera til að skora stig hjá almúganum var að borga sjálf þegar hún fór í seinni ferðina til að horfa á handboltalandsliðið og fara svo líka á Olympíuleika fatlaðra. Þá hefði fólk nákvæmlega ekkert á hana.

[Árni Árnason, 23.9.2008 kl. 18:09]

Helgi minn, þú hlýtur að vera grínast ! Ísland var að keppa um gull á Olympíuleikunum ! Þorgerður Katrín átti ekki að vera neinsstðar annarsstaðar en í stúkunni á þessum leik.

Ég lít engan veginn á það að Þorgerður hafi gert lítið úr fötluðum, mér fannst einmitt gott að deila þessu með að Jóhanna fór. Jóhanna Sigurðardóttir stendur sig með prýði í þessum málaflokki og ég tel að þeir sem kepptu hafi frekar viljað hafa hana hjá sér. Það er skrítið að þú skulir vekja athygli á því að Jóhanna sé bara sú eina í ríkisstjórninni sem vinnur að þessum málaflokki. Það er hrein og klár verkaskipting í ríkisstjórninni og Jóhann er hæfust í þessum málaflokki og sinnir því honum. Er Jóhanna mikið að skipta sér að umhverfismálum, eða sjávarútvegsmálum ? Nei af því að þau verkefni er á höndum annarra ráðherra. J

óhanna yrði örugglega ekki sátt ef það væri einhver innan ríkisstjórnarinnar alltaf með fingurna í því sem hún er að gera. Hún vinnur að málaflokknum og kynnir verkefnin fyrir ríkisstjórninni til að koma þeim áfram. þannig virkar þetta bara Helgi minn. Helgi minn ef þú vinnur í húsasmiðjunni þá veður þú ekki inn í Blómaval og skiptir þér að stelpunum sem gera blómvendina !

En þessi athugasemd þín um Þorgerði segir samt svo mikið Helgi og ég fagna henni. Fyrst að það er það eina sem andstæðingar Sjálfstæðisflokksins hafa á Þorgerði að hafa farið á Olympíuleikana þá er það frábært. Ekki slæmt fyrir hana miða við þennan veigamikla málaflokk sem hún sinnir - hún er greinilega að standa sig afskaplega vel í starfi - svona fólk eins og hún eiga að fara alla leið í pólitík

[Helgi Þór (IP-tala skráð) 23.9.2008 kl. 20:29]

Ég sem hélt að æðsti maður íþróttamála á landinu bæri skylda að vera á stærstu íþróttaviðburðum sem Ísland tekur þátt í (það sagði Þorgerður allavega í viðtali). En hún álítur greinilega ekki Olympíuleika fatlaðra sömu augum og hina "hefðbundnu" Olympíuleika.

Ef þú lest kommentið mitt sérðu að ég geri svosem ekki mikla athugasemd við að hún hefði farið tvisvar út, bara að hún hefði getað unnið sér inn credit hjá mörgum með því að borga fyrir seinni ferðina sjálf.

Þannig að Þorgerður Katrín (menntamálaráðherra) og Árni Matt (fjármálaráðherra) koma semsagt ekkert á neinn hátt að málefnum fatlaðra? hmmmm....Ég sem hélt að það væru fatlaðir nemar á öllum skólastigum landins, þú segir aldeilis fréttir ;) Sem dæmi ég get nefnt að málefnum fatlaðra í grunnskólum landsins er svo ábótavant að margir foreldrar sjá ekki aðra möguleika í stöðunni en að flytjast erlendis til að börnum þeirra fái viðunandi úrræði á skólagöngunni.

Árni Matt hlýtur að koma á einhvern hátt að hvernig peningum er deilt, hvað eigi að fara mikið í hvern málaflokk o.s.fr eða hvað? Þannig að auðvitað koma þessir ráðherrar að málefnum fatlaðra. Held einmitt að það séu flestir ráðherrar sem koma á einhvern hátt að málefnum fatlaðra, nema þá kannski sjávarútvegsráðherra (sem ég man í augnablikinu). Finnst dæmið hjá þér vera útursnúningur og á engan hátt sambærilegt.

Af þessum þremur ráðherrum sjálfstæðismanna er Þorgerður sjálfsagt að gera það best af þeim, ég viðurkenni það alveg. Annars vonast ég til að hitta þig á djamminu á laugardag í KEFLAVÍK!

Yrði nú ekki leiðinlegt ef ég þú og Gísli myndum setjast niður með einn kaldan og fara yfir heimsmálin ;)

[Árni Árnason, 23.9.2008 kl. 21:09]

Helgi minn á meðan ég er að svara þessu commenti þínu þá er ég líka að spjalla við þig á msn um vissan mann sem þú bara segir að sé óviðræðuhæfur vegna þess hve blár hann er. Þú kæri vinur verður að passa þig að vera ekki andstæðan hans! maður hreinlega heyrir ekki í þér nema þá að þú sért á úthúða Sjálfstæðisflokknum ! ehhehe passaðu þig !

ég setti fram dæmi með einföldum hætti. Jú Jú auðvitað vinnur Þorgerður að heilstæðri menntastefnu í landinu fyrir alla fatlaða sem ófatlaða. Árni fjármálaráðherra kemur án efa að fjárlagagerð hvað varðar fatlaða, en Jóhanna er yfirmaður málaflokksins. Það er gaman að sjá hvað menn snúast í málinu, Þorgerður er gagnrýnd fyrir að fara á Olypíuleikanna í öðru orðinu og í því seinna gagnrýnd fyrir að fara ekki þriðju ferðina til Kína !  Kannski lagði Þorgerður ekki í það að fara aftur eftir þá útreið sem hún fékk eftir seinni för sína, hver veit ?

Miðað við hvernig umræðan snérist upp í andhverfu sína þegar þjóðin átti að gleðjast yfir frábærum og einstökum árangri landsliðsins var gleðinni spillt með mjög leiðilegri  gagnrýni á Þorgerði sem mér fannst hún ekki eiga skilið.

Í fréttum í kvöld var fjallað um kostnaðin eina ferðina enn. Hann borinn saman við kostnað Jóhönnu. Auðvitað var ódýrara fyrir Jóhönnu að fara, því miður sóttu miklu færri Olypíuleika fatlaðra. Ég get rétt ímyndað mér að miklu erfiðara hafi verið fyrir Þorgerði að komast til Kína með stuttum fyrirvara, enda þurfti hún að taka sjö flug til að komast á leiðarenda og gisting á þeim tíma án efa verið verðsett í botn. Jóhanna komst til Kína með 2 flugum. Það þarf ofta að skoða aðstæður hverju sinni áður en dómur er felldur.

En Helgi minn við tökum þetta bara fyrir um helgina - það er ykkur vinstri púkum líkt að eyðileggja stemminguna - Keflavík verður (ef Guð lofar) Íslandsmeistarar á laugardaginn og þá loksins lætur þú sjá þig hérna til að geta tekið menn á teppið ! ehehheheeh

[Guðrún Þóra Hjaltadóttir, 24.9.2008 kl. 23:41]

Hvernig liti þetta út ef þú Árni settir önnur nöfn í stað Þorgerðar og Árna Matt.

Það verður að líta á verkin ekki á fólkið. Þannig að ef við myndum setja þarna til dæmis Kolbrúnu Halldór. Væri þetta þá allt saman í lagi ? Bara datt þetta svona í hug.