Reynum að vera jákvæð :)

Jæja það er nú ekki gaman að heyra það að maður sé leiðilegur !!! Já ég er búin að fá að heyra það nokkrum sinnum eftir að ég færði mig yfir á moggabloggið. Ég var með svona bloggsíðu eins og unglingarnir og var jú stundum að blogga á léttu nótunum og hef víst gert lítið af því uppá síðkastið.   

Maður verður auðvitað að hlýða á kall lesenda sinna og reyna að bæta úr því. Það versta við það að þegar maður byrjar að skrifa með það að leiðarljósi að vera fyndinn þá kemur gjörsamlega ekkert upp í hugann. Ég lék mér stundum að koma með kaldhæðnislega pistla um skemmtilegar fréttir og hef vafrað núna um netfréttamiðla en það er bara ekkert skemmtilegt að gerast !  

Þar sem ég er blaðamaður sjálfur þá verð samt að segja að maður er orðinn hálf þunglyndur á fréttaflutningnum sem er í gangi. Orkuveitan hækkar, olíufélögin hækka, matarkarfan hækkar eina sem lækkar er gengi krónunnar. Þá eru það slys, morð, dæmdir nauðgarar, handrukkarar leiddir í gildru fyrir framan myndavélarnar, uppsagnir, Eimskip að sökkva og Icelandair að nauðlenda. Það liggur við að maður skeri sig á púls að lesa þetta !  

Þjóðin er að drukkna í eigin neikvæðni og það sést vart bros á vör lengur. Það er spurning að við flykkjumst öll í Já hópinn sem virðist vera þau einu fáu sem hugsa á jákvæðu nótunum. Ég held að það væri þjóðarráð hjá fjölmiðlum að hrista upp í sér og reyna að gera jákvæðu fréttirnar meira áberandi. Ég veit að ég þarf líka að taka þá hugmynd upp hjá mér í minni vinnu, en maður reynir alla vega.  

Ég verð að enda þetta á jákvæðu nótunum fyrst að ég er að röfla yfir neikvæðni. Framundan er frábær spenna hérna í Reykjanesbæ. Keflavík getur átt möguleika á Íslandsmeistaratitlinum í Landsbankadeildinni á laugardaginn. Ég er nú ekki þekktur fyrir mikla visku eða áhuga á íþróttum, en ég er bara hryllilega spenntur ! Þetta er yrði ekki bara frábær uppskera strákanna í liðinu, heldur líka mjög jákvætt fyrir Reykjanesbæ sem leggur mikið upp úr íþróttum og forvarnargildi þeirra. Keflavík í körfu urðu Íslandsmeistarar og því yrði gaman að fá þennan titil líka. Ég sendi strákunum baráttukveðjur og vona svo innilega að ég taki myndir af  Íslandsmeisturum á laugardaginn.  

P.S. skal reyna að vinna í þessu með skemmtilegheitin síðar J

Athugasemdir

[Anna Guðný , 26.9.2008 kl. 08:10]

Hehe get alveg ímyndað mér að þér finnist leiðinlegt  að vera sagður leiðinlegur. Staðreyndir er nú bara sú að það er fínt um fína drætti í jákvæðum og skemmtilegum fréttum þessa dagana. Og ef komið er með einvherjar svoleiðis fréttir , þá eru þær oft úaðar niður, þykja of ómerkilegar. Ég meina, það Lohan sé orðið lesbía er bara með jákvæðari fréttum þessa dagana

[Guðrún Þóra Hjaltadóttir, 26.9.2008 kl. 16:43]

Árni hér inni dæmir fólk og hraunar yfir aðra eins og þeir eigi dómarsætið. Mjög merkilegt. Sumir eltast við að dæma þig ef þeir mögulega geta. Það var einn sem sagði við mig um daginn að hann hefði fylgst með mér í bloggheimi...lalala ég pirraði hann greinilega eitthvað. Sloðanaskipti hér inni eru oft á DÓMARAPLANI, ekki á mannlegu nótunum. Haltu samt áfram að leita af góðu fréttunum. Góð tilbreyting.

[Örvar Már Marteinsson, 26.9.2008 kl. 22:59]

Hér eru nokkrar góðar fréttir og ein MJÖG góð.

Njótið heil

[Elenora Katrín Árnadóttir, 27.9.2008 kl. 16:27]

Þú hefur fullan rétt á þínum skoðunum.  Sem blaðamaður þarftu að vera hlutlaus, þú hlýtur að mega skvetta úr þér á þínu eigin bloggi.

Haltu bara áfram að skrifa um það sem þér dettur í hug hvort sem það er jákvætt eða neikvætt.  Það þarf að tjá sig um bæði.  Auðvitað er það frábært ef það jákvæða er oftar rætt.

[Elísabet Sigurðardóttir, 29.9.2008 kl. 01:02]

Þú ert æðislegur Addi minn og aldrei leiðinlegur.

Jákvætt knús héðan

[Hannes Friðriksson , 30.9.2008 kl. 17:22]

Blessaður Árni minn

Það er stutt bilið á milli jákvæðni og neikvæðni, og sérstaklega ef það eru bara skoðanir manns sem maður skrifar um. En það er alveg klárt að bloggið þitt er ekki leiðinlegt

                    Kveðjur Hannes