Helgi var í sumarfríi

Helgi Seljan Kastljósmaður hringdi í mig áðan. Það var gaman að heyra í honum hljóðið, hann var bara ferskur á því, en vildi benda mér á það að feðraorlofið hans var búið og við hafði tekið sumarfrí í kjölfarið. Þá fór hann í sjóferðina góðu, þannig að hann var ekki að svindla á feðraorlofinu eins skilja mátti frétt DV. Helgi tók þessu með jafnaðargeði og fannst ég frekar vægur í pistlinum gagnvart sér og sagðist sjálfur bruðist eins um einhvern annan, en eina ferðina enn gleymast eðlileg vinnubrögð á DV. Í DV í dag er fjallað um dæmdan morðingja á Kvíabryggju sem átti að hafa lyft 291 kg. kraftlyftingum undir berum himni í lágmarksgæslu. Fangelsismálastofnun sendi frá sér yfirlýsingu í kjölfarið þar sem greint er frá því að þessi fangi sem um er rætt sé bara alls ekki vistaður á Kvíabryggju og er ekki á myndinni sem birt var með fréttinni. Ég kann að meta símtalið frá Helga.

Athugasemdir

[Anna Guðný , 24.7.2008 kl. 21:40]

Aldeilis flott að heyra að Helgi hafi hringt í þig. En ég fór a hugsa hérna, erum við ekki alltof fljót að búast alltaf við hinu versta af fólki? Ég reyni og reyni að vera jákvæð en dett hvað eftir annað í þenna leiðindagír. Held þó að það sé vegna þess að þetta er svo ríkt í umhverfinu og þá er það bara meiriháttarmál að halda jákvæðninni.

Hafðu það gott.

[Árni Árnason, 25.7.2008 kl. 00:47]

Jú það getur eflaust verðið skýringin. Í þessu tilviki fjallaði ég um frétt í fjölmiðli, þetta kennir manni bara enn og aftur að trúa ekki og treysta ekki því efni og málefnum sem tekið er fyrir í DV.

[Anna Guðný , 25.7.2008 kl. 23:23]

Einmitt, svo er það líka DV já. Ekki alveg það ábyggilegasta. En þetta með jákvæðnina meinti ég samt frekar svona almennt. Mér finnst öfundsýki vera mikil hér en það vanti á að fólk samgleðjist öðrum. Stundum finnst mér enginn mega gera neitt sem kostar peninga, þá er einhver kominn til að segja að honum hafi nú verið nær að nota peningana í eitthvað gáfulegra. Kannski mest áberandi í bloggheimum því þar auðvitað, þó það sé skrifað einu sinni, þá sést það alltaf.

Æi, ég er bara að svona að velta þessu fyrir mér.

Hafðu það gott

[Helga Björg, 26.7.2008 kl. 07:56]

Fínt að kíkja í dv svona til dægrastyttingar en hættulegt að nota það fyrir heimildarit eða taka þær upplýsingar sem þaðan koma sem háalvega hluti Kveðja frá Austria